By Lorna Wallace (Oan their election of a tangerine gabshite walloper).
America, aw whit ye dain?!
How could ye choose a clueless wain
Ti lead yir country? Who wid trust
A man sae vile?!
A racist, sexist eedjit
Wi a shite hairstyle?
Yet lo, ye votit (michty me!)
Ti hawn’ this walloper the key
Ti pow’r supreme, ti stert his hateful,
A cling ti hope that this is aw
Jist wan bad dream.
But naw, the nightmare has come true,
A curse upon rid, white an’ blue,
An’ those who cast oot Bernie
Must feel sitch regret
Fur thinkin’ Mrs. Clinton
Was a safer bet.
So noo we wait ti see unfold
Division an’ intolerance, cold;
A pois’nous bigotry untold
Since Hitler’s rule
As the free world’s hopes an’ dreams
Lie with this fool.
Alas, complainin’ wullnae change
The fact this diddy has free range
Ti ride roughshod ow’r human beings
That fall outside
The cretinous ideals borne of
His ugly pride.
Awch USA, we feel yir woes
An’ pour oor wee herts oot ti those
Who ken this oarange gabshite isnae
Who they chose,
But jist sit tight; Trump’s cluelessness
Will time expose.
Fur sittin’ there beside Obama
Efter the election drama,
Trump looked like reality
Had finally hit:
Aboot the role of president
He knew Jack shit.
Poutin’, glaikit through this farce,
His mooth wis pursed up like an arse,
His Tangoed coupon glowin’ like
A skelped backside.
Despite all his bravado
Trump looked keen ti hide.
Let’s therefur no despair an’ greet,
Or see this outcome as defeat.
Let’s wait an’ watch this bampot
Flap his hawns an’ squirm
When presidential pressures
Crush him like a worm.
Hawd oan ti values you hold dear,
Don’t let this numpty bring yi fear,
His chants of hatred don’t speak fur
The human race.
Love will endure despite this
So USA, in ma conclusion,
Know we Scots feel your confusion:
We are also chained ti those
Not of oor choosin’.
Stand firm fur unity will break
Through Trump’s delusion.
Summer School 2017 21st – 23rd July Fircroft College, Birmingham These days, con...
"Where are the leaders and what are their demands?" will be the question puzzled professional politicians and media pundits...
Jeanie Spence (Jute and Flax workers, Dundee), Lamont (National Federation of Women Workers), Agnes Brown (National Federation of Women W...
A myth pervades that 1917 was a 'socialist' revolution rather it was the continuation of the capitalist one. What justification...